Business Analyst 到底要做啲乜?

要知BA嘅工作範圍，不得不提SDLC (Software Development Life Cycle)。

簡單嚟講SDLC會分為Plan, Design, Develop/Implement, Test, Deploy, Maintain 六個階段，而BA嘅工作基本上全個SDLC入面都會參與到，簡單講下每個階段BA有咩involvement先。

Plan 規劃階段

• 同user瘋狂開會，了解、分析佢哋嘅Requirement(需求)、Pain point(痛點)，確定user想透過system達到嘅目標

• 有可能會做少少process reengineering

Design 設計階段

• 根據user requirement 設計系統功能，寫Functional Design Specification，開始同Development team brief同做feasibility study

• 視乎情況，Design可能分拆UI/UX部分俾UI/UX Designer，但大部分 In house 都會係BA做

• System Architecture/Infrastructure Design部分通常交俾Development team/Architect，但有部分情況都係Technical BA做 

Develop/ Implement 開發階段

• Developer會根據Functional Specification 寫code，呢個階段BA involvement比較少，但有啲位可能要再confirm user時，BA就會involve

• Technical BA有機會需要做code review/睇下有邊part有改動

Test 測試階段

• 對系統進行測試，確保功能同性能符合user requirement- 如果有QA/Test Team，BA主要負責功能測試部分，QA主要負責性能、安全性測試，QA同BA會溝通睇下system完整度有幾高

• 定下non functional requirement嘅acceptance criteria (比如penetration test, performance test咁先為之合格

• System大部分bug處理好之後，BA就會安排UAT (User Acceptance Test)，User會入場睇下個system符唔符合佢哋嘅operation

Deploy 部署階段

• 視乎情況, Technical BA有可能會係Development/Testing環境嘗試deploy，寫Deployment/installation guide

• 準備CAB(如有), 約Deployment Team時間上Production

• Deploy到Production之後做Production Verification Test，確保system ready to use

Maintain 維護階段

• 後續System上咗Production後嘅support，跟進user enquiry, report嘅bug，或者開新enhancement

• Technical BA會幫手搵個問題係邊，drill down落code level，再比pass返developer

以上都係我個人做BA個時嘅經驗，工作內容好睇公司安排啲咩task比你，因為有啲係唔expect BA掂code/server，有啲就會想BA掂埋。不過大部分BA同時間都會孭幾個project，可能一啲係Planning stage，一啲係Testing stage，最多試過同時4-5個project係手。

主要嚟講,一般BA係Plan, Design同Test嘅involvement會比較多，Technical BA就基本上全部stage都會involve，咁都會掂少少咁。

歡迎大家留言話我知你哋有咩想知🫶🏻